Dama gazte xarmant bat

Dama gazte xarmant bat jiten zaut bixtara,
Iduritzen baitzeraut zeruko izarra!
Ama batek hazteko, hori zerbait bada;
Gure salbatzaileak kontserba dezala!

«Gau on gizon gaztea, konpainiarekin!
Gostu du egoitiak ixtant bat zurekin;
Badakizu mintzatzen errespeturekin,
Jainkoak har zitzala hil-ondoan berekin!»

«Ene maite pollita non ote den bizi,
Bazinakikeia zuk haren zerbait berri?
Aspaldi ikustera joan nahia beti...
Errozu ene partez, milaka goraintzi.»

«Ez zinukeia hobe zuhaurek joaitea,
Nitaz igorri gabe komisionea?
Samurturen ote den ez zaitela fida;
Zato enekin eta, biak joanen gira.»

«Jin ere banindaite zurekin gogotik,
Ez banu bihotzian deus errangurarik:
Kanbiatua dela norbaitek erranik,
Hortako ez naiz joaiten, deus ez dut bertzerik

«Zato enekin eta errozu berari
Leheneko hitzetan dagoenez beti?
Disimulatzen badu, utzazu laburzki,
Ni hemen izanen naiz zure zerbitzari.»

TTIPI URRUÑARRA